سنگین جرائم میں ملوث 05 مجرمان سمیت 14 جرائم پیشہ عناصر گرفتار ،ملزمان کے قبضہ سے1125 گرام ہیروئن ،1100 گرام چرس اور 07 عدد پستول برآمد ملزمان کے خلاف مقدما ت درج،مزید تفتیش جاری ہے۔
اسلام آباد (رپورٹر) اسلام آباد پولیس کا وفاقی دارلحکومت میں شہریوں کے جان و مال کے تحفظ کو یقینی بنانے کے لئے جرائم کے انسداد اور جرائم پیشہ عناصر کی گرفتار ی کے لئے موثر کریک ڈاﺅن جاری ہے،اس سلسلہ میں تھانہ ترنو ل، تھانہ کھنہ ، تھانہ کو ہسار ،تھانہ گولڑہ ،تھانہ سمبل ، تھانہ سنگجانی اور تھانہ سہالہ پولیس ٹیموں نے ملزمان نعیم ، آفتاب خان ، احمد ممتاز ، عدنان ، شفقت ، عاطف ، سیف اللہ ، محمد سمیر اور اکبر حسین کو گرفتار کرکے ان کے قبضے سے 1125 گرام ہیروئن ،1100 گرام چرس اور 07 پستول برآمد کرلیے، گرفتار ملزمان کے خلا ف مقدما ت درج کر کے مزید تفتیش جاری ہے،جبکہ اشتہاری، عدالتی اور عادی مجرمان کی گرفتاری کے لیے جاری خصوصی مہم کے دوران سنگین جرائم میں ملوث پانچ مجرمان کی گرفتار ی بھی عمل میں لائی گئی،ایس ایس پی آپریشنز محمد شعیب خان نے کہاکہ اسلام آباد پولیس وفاقی دارلحکومت میں شہریوں کے جان و مال کے تحفظ کو یقینی بنانے کے لئے مصروف عمل ہے،کسی بھی عناصر کو شہریوں کے امن میں خلل ڈالنے کی اجازت نہیں دی جائے گی،شہریوں کے جان و مال کی حفاظت اسلام آباد پولیس کی اولین ترجیح ہے،شہریوں سے بھی گزارش ہے کہ کسی بھی مشکوک سرگرمی کے متعلق متعلقہ تھانہ یا ایمرجنسی ہیلپ لائن”پکار-15 ” پر فوری اطلاع دیں، تاکہ پولیس اور عوام کے باہمی تعاون سے شہر کو جرائم سے پاک کیا جاسکے۔
