جنوبی کوریا میں میڈیا سے گفتگو کے دوران اپوزیشن لیڈر لی جائے مائے یونگ پر قاتلانہ حملہ کردیا گیا۔
غیرملکی میڈیا کے مطابق بیوسن شہر میں نئے ایئر پورٹ کے دورے کے بعد وہ میڈیا سے گفتگو کر رہے تھے کہ اس دوران ایک شخص نے ان کی گردن پر نوکیلی چیز گھونپ دی۔
رپورٹس کے مطابق حملے کے بعد 59 سالہ لی جائے مائے یونگ زمین پر گر گئے جس کے بعد کئی لوگ ان کی مدد کو آگے بڑھے۔
غیرملکی میڈیا کے مطابق لی جائے مائے یونگ کو ہیلی کاپٹر کے ذریعے اسپتال منتقل کیا گیا، ان کی حالت خطرے سے باہر بتائی گئی ہے۔
مقامی میڈیا کے مطابق حملہ کرنے والے شخص کو پولیس نے گرفتار کرلیا ہے۔
